مستلزمات فاليزة شهر العسل ,كل ما يجب ان تعرفينه عنها

عالم المراة مع نسرينDZ

          

👈مستلزمات فاليزة شهر العسل  ,كل ما يجب ان تعرفينه عنها

   💗مرحبا بكم بنونات ,نتمنى راكم كامل ملاح ,اليوم جبتلكم موضوع مهم للمقبلات على الزواج علابالي بزاف منكم  

                                                                   يتساؤلو واش !

  

   essential لي تدو في فاليزة شهر العسل, واش هوما لحوايج لي مالازمش تنساوهم, وانا درتلكم الموضوع هذا و ان شاء الله 

تستفادو........ 

ا 👈اول حاجة قبل كل شيئ هي السجادة و طقم الصلاة, كما علابالكم لازم تصلي انت و راجلك ,هو من القدام و انت من وراه باش   
    ربي يبارك لكم في ما عطاكم ,و يرزقكم الذرية الصالحة 👪ان شاء الله . 

   ا👈لحاجة الاخرى لي مالازمش تغفلو عليها ,هي انك تدي درا ولا زوج تفرشيها , حطي في راسك بلي ماراكيش فدارك 

                  
    تروحي لاوتال ولا كاش بلاصة بعيدة على شومبرتك ,و ماعلابالكش واش تلقاي لتم ,احتياطا انت تدي معاك زوج  

    دراوات يكونو شابين و اللون خيري احمر وابيض و ثانيك راجلك راح ينتابه لكل حركاتك و كي يشوفك تتهلاي في 

  💕💕ابسط الامور تكبري في عينيه و يشوفك بلي نظيفة و مرتبة كي تستعملي كل حاجة تاعك .

               
   ا👈يضا تدي معاك علبة ماكياج فيها كامل المكياج لي تستعمليه, و مادابيك تخيري احمر الشفاه في الالوان الفاتحة , 

                     
  😑باش تباني طبيعية 😍ماديريش كيلو مكياج ,و نهار تنحيه يهرب راجلك😆😂 ولا يشوفك كما المومياء. 

   ماكيي خفيف ظريف و ديري لغيسيل اهادوك لعيون😊 حتى يطلعو  للسما غير تخزري في راجلك قلبو يضرب💓 ولا زدتيلو

   غمزة قلبو يحبس ههههههههههه وماديريش حناكك كما بيكاشو هاااا عيوني بالاكي نعطيك تدبيرة غير تنوضي صباح دي

      شوي مساج لحناكك و قرصيهم شوي يولو حمورا ناتوراك.

💕💕💕💕💕💕💕💕💕💕💕💕💕💕💕💕💕💕💕💕💕💕💕💕💕💕💕💕💕

                   
 (زيدي معاك سيشوار ولا ليسور و لابروس تاع سيشوار و زيدي معاك اكسسوارات الشعر(بينيات و ليشوشو).

                                   
   زيد دي معاك صوالح الدوش (الشامبو +صابون و جال الدوش +و حكاكة القدم) +و لوشن الجسم.

   
   دي ثانيك دونتيفؤيس و بروس و مادابيك تزيدي تدي معطر الفم بذوق الفراولة ولا ذوق شوينقوم باش ريحة فمك تكون دايما 

    معطرة وفراش دائما. 

   ادي معاك غسول المنطقة الحساسة و المطهر و سرابت صغار تنشفي بيهم المنطقة لعد الاغتسال.

.

   ادي معاك ملابس داخلية نوعي و كثري و بدلي من القصير للطويل و دي معاك الوان مختلفة و ركزيلي على الاحمر و الابيض 

  الوردي الفاتح يجو هبال و الراجالا يموتو على ليكولور هادو و ماتنسايش ملابس داخلية تاع الدونتال واش نحكيلك تخلي 

  بوركايب تاعك يهبل ههههههه تقلشي يا مدام هه.

   دي معاك بيجامات طوال و قصار و لي عندهم ليشورت ة ليجول صغار خاصة ولا تزوجتي في الصيف ولا كان عرسك في الشتا 

   تدي معاك بيجامات قطنية و ماتنسايش تدي ثانيك ليبوستي و ليبودي تاع القطن. 

    دي معاك روب دوشومبر تاع ساتان  حسب الفصل لي تتزوجي فيه و زيدي بلايغ و بنتوف ولا كاين البرد. 

     دي معاك الة نزع الشعر ولا رجينة او الحاجة لي موالفة تستخدميها.

                                                           حوايج الخرجة   

     لي طايور +احذية كعب العالي  تلبسيهم ولا عرضك راجلك لكاش عشا تستيكي روحك و يزوخ بيك شوية هههههه

     الحجابات ولا كنتي حيجابيست  +احذية مريحة للمشي تلبسيهم كي تروحو تتنزهو و تتمشاو باش ما تعياش ولا مشيتي بزاف

     ولازم تبدلي اللوك كما يقولو بدل اللوك يحبوك   دي معاك ليجوب طوال ولا سراول جينز و ليبودي .

   و دي معاك معطف ولا جيلي ولا كان البرد و بوتيون و فيزووات وزبيدي خمارات لالوان متنوعة.

   وتدي معاك زوج ولا ثلاثة صيكان زوج صغار واحد كبير اة العكس يكونو يتماشاو مع القش ة حطي فيهم ليبوند تسحقيهم.

                                                                            
                💋     اعرفي كيفاش تنظمي الفاليزة باش تديلك كلشي 

قائمة جهاز العروسة من الالف الى الياء :لقراءة المقالة اضغط هنا👉

اساسيات فاليزة ليلة الدخلة   : لقراءة المقالة اضغط هنا.👉

للانضمام لقناتي على اليوتيوب  اضغط هنا   👉       

للاشتراك في قناتي على اليوتيوب اضغط هنا 

للاشتراك في صحفتي على الفايسبوك اضغط هنا